Pinanggih Gusti Yesus

Waosan: Yohanes 16: 21-23    |   Pamuji: KPK 145
“…Aku bakal nemoni kowé menèh, atimu bakal bungah, lan ora ana wong siji waé, sing bisa ngrebut kabungahan kuwi saka ing atimu.” (ayat 22)
Pak Kancil bara (merantau) ing papan ingkang tebih saking garwanipun. Lajeng Pak Kancil dhawah sakit bentèr. Sareng dipun purugi dening garwanipun ingkang dipun tresnani lan nresnani piyambakipun, Pak Kancil sanalika dados saras. Kekalihipun ingkang sampun kapang (kangen) rumaos bingah sanget saged pepanggihan.
Gusti Yesus mangertos bilih para pendherekipun sami tresna sanget dhumateng Panjenenganipun sarta mbetahaken sanget katresnanipun. Mekaten ugi swalikipun, para pendherekipun ugi mangertos lan yakin bilih Gusti Yesus nresnani sanget sedaya pendherekipun. Tamtu Gusti Yesus ugi mangertos bilih pepanggihan antawisipun Gusti Yesus kaliyan para pendherekipun saged nuwuhaken kabingahan ageng ing manahipun para pendherek. Pramila saking menika Gusti Yesus janji badhe manggihi malih para muridipun menika nalika para murid sami nandhang kasisahan karana sedanipun Gusti Yesus.
Janji menika nedahaken kepedulian lan katresnanipun Gusti Yesus dhateng sedaya pendherekipun ingkang saweg nandhang kasisahan. Janjinipun menika ugi kaparingaken dhateng kita, langkung-langkung menawi kita saweg nandhang kasisahan. Gusti Yesus mesthi manggihi kita arsa paring panglipur lan kakiyatan dhateng kita. Namung pitakenanipun, menapa kita ugi manggihi Panjenenganipun? Tamtunipun kita ndedonga. Nanging ing salebeting pandonga menika menapa kita saestu pinganggih kaliyan Gusti Yesus? Menapa pinanggih sanesipun?
Supados kita saestu pinanggih kaliyan Gusti Yesus, sepisan, kita kedah ngeningaken manah kita saderengipun ngucapaken pandonga kita. Kalih, kita fokus (ngeneraken angen-angen kita) dhateng Gusti, sanes dhateng panandhang kita. Tiga, maos Kitab Suci (lan ugi Pancaran Air Hidup menika) rumiyin. Sekawan, tetep konsentrasi matur kanthi blaka dhumateng Gusti. Srana mekaten manah kita ayem tentrem lan bingah, nadyan kedah nanggel sesanggening gesang ingkang mboten ènthèng. [ST]
“Pepanggihan kaliyan Gusti nuwuhaken katentreman lan kabingahan.”

Panuntunmu

Waosan : Yokanan 16 : 12 – 15    |    Pamuji: KPK 289 : 1- 3
“ Nanging yen Sang Juru Panglipur iku rawuh, iya iku Rohing Kayekten, iku bakal nuntun kowe marang kayekten  sasampurnane.” (ay. 13)
Tuntunan kangge manungsa menika saestu kabetahaken. Wiwit alit manungsa dipun wulang  saking para sepuh, inggih supados nampeni tuntunan. Salajengipun dipun sekolahaken inggih supados nampeni tuntunan ingkang gumathok. Menapa malih bab rohani, ingkang pangertosanipun langkung lebet lan njlimet, mesthinipun kabetahaken panuntun temah gesanging manungsa tumuju dhateng kayekten.
Sejatosipun taksih kathah perkawis ingkang badhe kaandharaken Gusti Yesus dhateng para sekabat, nanging dereng saged kagayuh. Sang Roh ingkang badhe njangkepi pakaryan menika. “Rohing kayekten iku bakal nuntun kowe  marang kayekten sasampurnane.” Sang Roh ingkang nuntun menika ingkang dados pratandha pribadinipun sang Roh. Ingkang dipun tuntun ugi sami kaliyan tabiyatipun piyambak, inggih menika ingkang tumuju dhateng kayekten.
Awit wohing sang Roh menika mesthi sae, kadosdene: “katresnan, kabungahan, tentrem rahayu, sabar sareh, paramarta, kabecikan, setya, alus ing bebuden, bisa ngemudheni dhiri.” Saking woh ingkang kados mekaten tamtu mboten ragu menawi dipun tuntun dening Sang Roh ingkang asalipun saking Allah. Lan ing wegdal Sang Putra sampun mboten wonten ing jagad, sang Roh menika ingkang nuntun manungsa dhateng gesang ing kayekten.
Paramila kita ingkang gesang wonten ing panguwaosipun Sang Roh, nyawisna manah kangge cumondhokipun Sang Roh wonten ing gesang kita. Awit inggih karana Sang Roh ingkang nganthi, gesanging manungsa saged setya tuhu pitados ing ngarsanipun Gusti. Anjawi saking menika Sang Roh ingkang pancen sampun rawuh ing jagad, wiwit jamanipun para Rasul ugi ingkang kagungan panguwaos ingkang ngedab-edabi. Ingkang menika, sepisan, kita perlu nyawisaken manah ingkang prasaja, blaka, tinarbuka lan andhap asor, matemah Sang Roh kersa lumebet ing gesang kita. Kaping kalih, kita manut ing panuntuning Sang Roh matemah gesang kita lumampah ing kayekten, tinebihna saking piawon. [Bpur]
“Sang Roh Suci, mugi tansah rawuh ing ati!”

Disengiti

Waosan : Yohanes 15: 25-16: 4a   
Pamuji : KPK 71: 1, 2.
Nats : Tiyang-tiyang menika sami sengit dhateng Kawula tanpa sebab.’ (Ayat 25b)
Wonten satunggaling tiyang Kristen ingkang dados pejabat pamarentah ingkang mbudidaya dados seksinipun Gusti srana nindakaken kesaenan kagem masyarakat lan nata tata tertibing masyarakat. Kathah tiyang ingkang sami remen dhateng pambudidaya lan tumindakipun. Nanging ugi mboten sekedhik ingkang mboten remen lan malah sengit dhateng piyambakipun, karana piyambakipun kasumurupan minangka tiyang Kristen.
Pancen mekaten ingkang sampun dipun dhawuhaken dening Gusti dhateng para pendherekipun. Gusti Yesus menika pancen elok. Umumipun pemimpin menika namung ngandika bilih tiyang ingkang milih panjenenganipun badhe ngalami gesang sekeca kemawon. Nanging Gusti Yesus malah maringi pirsa bilih tiyang ingkang ndherek Panjenenganipun badhe dipun sengiti tiyang sanes, ngalami sangsara, malah ngantos dipun pejahi.
Menika nedahaken anggenipun Gusti Yesus blaka suta dhateng para pendherekipun, mboten ngapusi supados kathah tiyang sami ndherek Panjenenganipun. Kalayan mekaten menawi para pendherekipun menika saestu dipun sengiti dening tiyang sanes, mboten wonten alesan rumaos kuciwa lan nutuh (protes) dhateng Gusti Yesus. Yen pancen mboten purun nandhang sangsara amargi ndherek Gusti Yesus, nggih mboten sisah ndherek Panjenenganipun.
Ewasamanten, Gusti Yesus janji badhe paring panglipur, piwucal kakiyatan lumantar pakaryaning Roh Sucinipun. Srana pakaryaning Sang Roh Suci para pendherekipun Gusti Yesus badhe tanggon, kiyat nandhang kasangsaran. Nadyan nandhang sangsara tetep mantep ndherek ngetut wingking sarta lelados dhumateng Gusti Yesus. Nadyan mekatena, dipun sengiti tiyang sanes lan nandhang sangsara menika sanes tujuan utawi pepesthen tumraping pendherekipun Gusti; menika resiko ingkang kedah dipun sanggi.
Lah watak tanggon, kiyat lan mboten gampil semplah nandhang kasangsaran menika ingkang dados paseksi kita dhateng tiyang sanes. Swawi disantosa manah, batos lan iman kita! [ST]
“Dhuh Roh Suci, mugi paring kekiyatan anggen kawula nandhang sangsara dipun sengiti tiyang sanes!”

Kabar-Kabur

Bacaan: Kisah Para Rasul 15: 22-34 
Nyanyian: KJ 54
Nats : “Setelah membaca surat itu, jemaat bersukacita karena isinya yang menghiburkan.” (ay.31)
Mungkin kita pernah mendengar kabar yang tidak jelas sumbernya, orang menyebutnya sebagai “kabar burung”. Bila ada berita yang menyenangkan, orang menyebutnya sebagai “kabar gembira”.  Nah, kalau “kabar kabur” kira-kira apa maksudnya ya…? Mungkin yang dimaksudkan adalah kabar yang tidak jelas dan menyesatkan.
Jemaat di Antiokhia menjadi resah dengan berita yang dibawa oleh beberapa orang dari Yudea yang menyatakan bahwa apabila mereka tidak disunat maka mereka tidak akan diselamatkan (Kis 15:1). Bisa kita bayangkan Jemaat yang masih baru terbentuk justru mendapatkan pengajaran yang seperti itu? Tentu sangat menggoncangkan iman yang selama ini mereka yakini, yakni bahwa hanya Tuhan Yesuslah yang menjadi satu-satunya jalan keselamatan bagi manusia. Untunglah, ketika para Rasul dan Penatua yang ada di Yerusalem mendengar itu semua, mereka mengambil sikap untuk mengirim utusan khusus untuk menguatkan kembali iman mereka.
Saat ini banyak sekali ajaran yang bersliweran di sekitar kita. Membingungkan, menyesatkan dan berpotensi membawa perpecahan dalam Jemaat. Bagi kaum muda yang masih labil emosinya, hal seperti ini bisa berakibat fatal, yakni pupusnya kehidupan iman mereka sebelum sempat menghasilkan buah dalam kehidupan mereka. Apa reaksi kita bila mendapati anak-anak kita mendapatkan ajaran yang menyesatkan? Apakah kita menjadi ikut-ikutan sangsi atas kebenaran firman Tuhan ataukah berupaya menyampaikan kebenaran Firman Tuhan untuk menangkis ajaran-ajaran yang menyesatkan?
Marilah kita belajar untuk saling menguatkan satu dengan yang lainnya di antara warga jemaat, seperti halnya dengan Para Rasul, Penatua yang ada di Yerusalem, yang memberikan penguatan iman kepada saudara-saudaranya di Antiokhia. Selamat berjuang di tengah-tengah pergumulan iman. Yakinlah, apabila jemaat mampu menyatukan diri dengan Kristus maka si jahat dengan segala tipu-dayanya tak akan pernah dapat menggoyahkan iman kita. Amin. [DK]
“Di luar Tuhan aku lemah, di dalamNya aku menjadi kuat.”

Aja Ngengge Mangsa !

Waosan: Yokanan 15:9-11  
Pamuji :  KPK no. 56:1,2,3.
Nats : “… supaya kabungahanmu dadia sampurna” (ayat 11b).
Kawontenaning gesang menika rak isi kalih perkawis utawi swasana ingkang asring beda sanget. Wonten wekdalipun panas, kosokwangsulipun wonten wekdalipun asrep, mekaten ugi wonten sehat-sakit, bingah-sisah, untung-rugi, begja-apes, sugih-mlarat, lsp. Kawontenan ingkang beda-beda kalawau dhatengipun gilir gumantos lan asring mboten kita rancang lan tanpa kita nyana-nyana.
Ing wekdal kita rumaos samukawis ing salebeting gesang kita lumampah kanthi sae lan lancar, kita mongkog lan suka bingah. Nanging, yen karibedan, pakewed, kaprihatosan, lan kasedhihan ngampiri gesang kita, asring kita lajeng kintir lan malah klelep ing salebeting swasana sedhih lajeng stres utawi depresi.
Kabingahan ingkang sejatos menika langkung penting katimbang ‘perputaran’ kawontenan ingkang beda-beda kalawau. Kabingahan ingkang sejatos pinangkanipun saking sesambetan ingkang tetep (‘konsisten’) kaliyan Gusti Yesus Kristus. Menawi gesang kita nggadhahi sesambetan ingkang raket kaliyan Panjenenganipun, Gusti Yesus mesthi paring pitulungan supados kita saged lumampah ngatasi sawernining pakewed tanpa klelep ing dhasaring kasisahan. Kabingahan gesang kaliyan Gusti Yesus Kristus saben dinten badhe njagi kita tetep tenang ing sadhengah kawontenan, bingah utawi sisah.
Masyarakat Jawi kanthi wicaksana gadhah pepenget: ‘Aja nggege mangsa’, artosipun aja nyepetke mangsa utawa wektu. Sebab, samukawis bab ingkang kedadosan punika rak dhasaripun karana Gusti Allah ingkang ngersakaken, pramila lajeng wonten unèn-unèn ‘wis titi wancine’. Samukawis bab ingkang prosesipun ‘instan’ tamtu asilipun kirang maremaken. Menawi kita kepengin panenipun sae, tamtunipun kita kedah nyebar wiji lan ngrimati, ateges kita perlu wekdal lan sabar. ‘Aja nggege mangsa’ ugi isi pitutur supados manungsa menika langkung sabar, mboten grusa-grusu kangge nggayuh cita-citanipun, menapa malih mboten ngantos meksa supados pikajengipun piyambak enggal kasembadan. Tata cara gesang ingkang mekaten menika nglairaken kabingahan ingkang sampurna. Amin. (Esha).
“Wong mursid rineksa ing Pangeran, wong ala tumiba ing karusakan.”