Bacaan : Mateus 7 : 21 – 27 | Pujian: KPK 191 :
3
Nats: “Wong sing ngrungokaké lan nglakoni piwulang-Ku, kuwi padha karo wong pinter sing ngedegaké omahé ana ing padhasan.” [ayat 24]
Nats: “Wong sing ngrungokaké lan nglakoni piwulang-Ku, kuwi padha karo wong pinter sing ngedegaké omahé ana ing padhasan.” [ayat 24]
Nalika wanci arus mudik lebaran taun
2014 menika sampun celak, dumakan treteg (jembatan) Comal pedhot karana
pondhasining treteg kegerus ilining toya kali. Kamangka treteg menika dados
penghubung ingkang penting sanget saking wilayah satunggal dhateng wilayah
sanesipun. Pramila lajeng tumunten enggal dipun dandosi. Puji sokur, namung
sawatawis dinten kemawon, treteg menika saged dipun langkungi malih.
Gusti Yesus nedahaken bilih ingkang
mbetahaken pondhasi ingkang kukuh menika mboten namung wewangunan, nanging ugi
gesang menika. Pondhasi menika saestu wigatos sanget, dadosa kangge sedaya
wewangunan lan ugi pigesangan. Pondhasi ingkang mboten sae lan kiyat badhe
murugaken wewangunan lan pigesangan menika gampil pedhot, rubuh, risak.
Wusananipun wewangunan utawi pigesangan menika mboten wonten paedahipun.
Pondhasining gesang kita ingkang
sampurna nggih menika dhawuhipun Gusti. Supados pondhasi menika saestu sae lan
bakuh, dhawuhipun Gusti Yesus menika kedah dipun pirengaken lan dipun lampahi.
Dipun pirengaken tegesipun dipun mangertosi kanthi leres manut karsanipun Gusti
piyambak, sanes miturut pikajeng kita. Dipun lampahi tegesipun penggalih,
pangraos lan tumindak kita tansah dhedhasar dhawuh menika; menapa ingkang dipun
prentahaken dening Gusti saestu kita tindakaken kanthi bingah, mboten kanthi
pangresula.
Tiyang ingkang pondhasining
gesangipun saestu sae lan bakuh, menawi katempuh ing prahara mboten badhe
gempung, bingung lan limbung manah lan penggalihipun. Gesangipun mesthi tetep
tegar, tatag, tabah, mboten badhe kecalan katentreman lan kabingahan, karana
pondhasinipun tetep bakuh, mboten ambrol. Pramila, sumangga kita tansah
mirengaken dhawuhipun Gusti saben dinten, kita sinaoni supados saged mangertos
kanthi yektos. Nadyan kadosa pundi kawontenan kita lan kawontenaning lingkungan
kita, mangga tansah nggondheli lan nindakaken dhawuhipun Gusti. [ST]
Pondhasi urip kang bakuh yaiku
dhawuh sucining Gusti.
http://www.gkjw.web.id/pondhasining-urip
Tidak ada komentar:
Posting Komentar